1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Нов силен земјотрес во Јапонија, издадена тревога од цунами

7 април 2011

Земјотрес со интензитет од 7,4 степени според Рихтеровата скала денеска го погоди североисточниот дел на Јапонија, кој го преживеа катастрофалниот земјотрес од 11 март. Се стравува од цунами бранови високи еден метар.

https://p.dw.com/p/10pVY
Фотографија: picture alliance/dpa

Североисточното и источното крајбрежје на Јапонија повторно беше потресено од силен земјотрес. Јапонската метеоролошка агенција издаде и тревога од цунами бранови високи најмалку еден метар. Епицентарот се наоѓал под морското дно на земјотресот на 35 километри од брегот на префектурата Мијаги, која беше тешко погодена од катастрофалниот потрес на 11 март. Јапонската телевизија ХНК ги повика луѓето во областите за кои важи предупредувањето од цунами да се искачат на повисоки места. Земјотресот бил почувствуван и во главниот град Токио. Компанијата Тепко која управува со хаварисаната нуклеарка Фукушима 1 соопшти дека ја испитува ситуацијата во централата по денешниот силен потрес.

Автор:СН/ТТ/ртр/ап/дпа

Редактор: Симе Недевски