Необични кралици

Разбирливо е само по себе - во Германија мора да постои Кралица на пивото, исто како и Кралица на јачменот, дури и Кралица на светло пиво. Баварската Кралица на пивото треба да има најмалку 21 година и во светот да ја претставува баварската култура. За пивската амбасадорка Баварскиот сојуз на пивски производители меѓу другото обезбедува ексклузивен дирндл, традиционална носија.

Баварката Кристин Прва моментно е владетелка во кралството на белите колбаси. Нејзини обележја се круната и жезлото-бел колбас. Таа ги победи своите ривалки не само во пеење традиционални баварски песни, во кои многу се импровизира, туку и со своето знаење во врска со белите колбаси.

Баварците се посебни љубители на кралици. Се чини дека секое место си избира своја кралица. Во Пфронтен, Алгој, се врши избор на Кралица на планинските ливади. Сиња Прва треба да ги намамува туристите и да ја претставува својата општина, исто како и сите други кралици, на „Зелената недела“, годишниот саем за храна, земјоделство и градинарство.

Јаболката се омилено овошје на Германците, годишно во земјата се берат околу 960.000 тони јаболка. Не е ни чудо што на повеќе места се избира Кралица на јаболката. Еднаш годишно германската канцеларка Ангела Меркел во Берлин врши прием на кралиците на јаболка-претставнички на најголемите производни региони. Во владиниот кабинет тогаш се подаруваат корпи со јаболка.

Секој германски винарски регион еднаш годишно крунисува своја Кралица на виното. Освен тоа, се избира и една Кралица на виното за цела Германија. Освен убавиот изглед, таа мора да има познавања за виното, како на пример актуелната винска владетелка Јозефине Шлумбергер од Баден. Таа студира лозарство и енологија, а целото свое детство го поминала кај родителите кои имаат пространи лозја.

Во многу региони постои и Кралица на розите. Меѓутоа, Дорин Втора (лево) владее со најголемата збирка на рози во светот- Европскиот розариум. На 13 хектари големата површина во Саксонија Анхалт цветаат преку 8300 видови рози. Тоа е кај Зангерхаузен, самонаречениот град на розите. Покрај неа се наоѓа принцезата на розите Софија Прва, која ја придружува на патувањата.

Долна Саксонија и северна Германија се главните одгледувачки региони за јагоди, таму годишно се берат околу 40.000 тони. Јасно дека таму се избира Кралица на јаготките. Брита Прва го обожува ова овошје-содржи многу витамини и не дебелее.

Секоја година се избира и мис на Германија. Право на учество имаат победничките на покраинските избори за убавина. Победничката треба да има беспрекорна фигура како во вечерен фустан, така и во бикини, а на подарок добива луксузен часовник опточен со брилијанти, професионален фотошутинг и сопствени автограмски картички.