Најчудните фестивали во Европа
На 30 април, луѓе облечени како вештер(к)и ја прославуваат Валпургиската ноќ во германскиот регион Харц. Но, тоа е само еден од многу европски чудни, ексцентрични и прекрасни фестивали.
Германија: Валпургиска ноќ
Вештерките наводно се собирале тука во Харц кон средината на 17. век за да палат огни и „да состанчат со ѓаволот“. Настанот собира илјадници посетители и е раширан на 20 локации околу планините Брокен. Собирно место е Хексентанцплац (Подиумот на вештерките) каде старите германски племиња ги одржувале своите култови.
Шпанија: Ла Томатина
Илјадници тони доматна муниција се троши за време на повеќечасовната битка. Туристите, воглавно млади, доаѓаат тука од целиот свет. Популарниот фестивал се одржува во Буњол, во јужна Шпанија. Непишано правило е доматот да се стисне в рака пред да се фрли за да се избегнат повреди. На 31 август следува нова рунда.
Финска: Светска воздушна гитаријада
Кој вели дека ви е потребна гитара за свирење? Од своето деби во 1996, фестивалот на „воздушни“ гитари во Улулу привлекува илјадници посетители. Секој учесник на располагање има една минута да го убеди жирито во своите квалитети. Битна улога игра и гардеробата.
Ангпија: Фати го сирењето
Следи го сирењето! Во англискиот округ Глучестершајр, пита локално сирење се пушта по ридот, а учесниците треба да го бркаат. Тоа не е нималку лесно, со оглед што питата честопати достигнува брзина од 110 километри на час. Првиот кој ќе ја мине целната линија го добива сирењето.
Шкотска: Хајлендерски игри
Тие вклучуваат сечење дрва, фрлање камења и свирење на гајди, сето тоа се разбира во традиционални шкотски килтови. Игрите започнале како натпревар меѓу ривалските кланови, но сега се одржуваат ширум светот. Најпознатиот настан се одржува во шкотското село Браемар во првата сабота во септември.
Шпанија: Мерсе фестивал
Необичната традиција која доби специјален статус и од Унеско, можете и сами да ја проследите во септември во Барселона на уличниот фестивал познат како Ла Мерсе. Групи луѓе формираат човечки кули познати како „Кастелс“- колку повисоки толку подобри. Овој каталонски обичај потекнува од 18. век.
Германија: фрлање чанти
Дури и самата кратенка е интригантна: „HTWWWM„. На македонски би се превела како „светско првенство во далечинско фрлање чанти“, а се одржува во Ботроп во Рурскиот регион. Тимовите можат да бираат меѓу четирите одобрени стилови на фрлање. Покрај далечината, учесниците се оценуваат и според техниката, кореографијата, мејкапот и обувките.
Италија: насилен фудбал
Секоја година Пјаца Санта Кроче во Фиренца станува бојно поле. Calcio storico, или историски фудбал, значи дека топката треба да мине низ голот на секој можен начин: удари во глава се забранети, но не и удирање глава в глава, боксови и давење. Мечот трае 50 минути, а играчите носат традиционални дресови од 16. век. Финалето се одржува на 24 јуни.