1. Прескокни до содржината
  2. Прескокни до главната навигација
  3. Кон други страници на DW

Мудис го намали кредитниот рејтинг на Кина

СН/ агенции
24 мај 2017

Сомнежи во реформските способности, девизни резерви во опаѓање и пред сѐ должнички ризик. Експертите за кредитен рејтинг од Мудис идентификуваат многу причини поради кои критички гледаат на бонитетот на Кина.

https://p.dw.com/p/2dUh3
China Neue Region für die Entwicklung um Peking
Фотографија: picture-alliance/dpa/Imaginechina/ Wang Yixuan

Меѓународната агенција за кредитен рејтинг Мудис ја намали оценката за кредитоспособноста на Кина поради загриженост за судбината на една од најголемите светски економии.

Мудис го спушти кредитниот рејтинг од Аа3 на А1, но домашните власти тврдат дека станува збор за претерана претпазливост. Министерот за финансии на Кина истакна оти се предимензионираат економските потешкотии и се потценуваат реформите кои ги спроведуваат властите. Намалувањето на кредитниот рејтинг ќе го отежни задолжувањето. „Кинеската финансиска моќ ќе паѓа во наредните години, а долгот ќе расте додека економскиот раст се забавува“, наведоа експертите во една од Топ 3 меѓународни агенции за кредитен рејтинг.  Истотака критички Мудис го оценува падот на девизните резерви на втората по големина светска економија.

USA Moody's in New York
Фотографија: picture alliance/ANP/L. van Lieshout

Берзите во Кина добро го издржаа намалувањето на кредитниот рејтинг на земјата. На почетокот на тргувањето со акции, беше забележан надолен тренд, но подоцна индексите ја повратија вредноста.

Кинеската економија во 2016 година забележа најнизок раст од 1990 година наваму. Тој изнесуваше 6,7 проценти, додека прогнозата за годинава изнесува околу 6,5 %. Во првиот квартал од 2017 година стопанството на Кина со 6,9 проценти растеше изненадувачки бргу, но набљудувачите за остатокот на годината очекуваат тренд на забавување.