Македонија – Ваксинце

Пратениците на македонското Собрание денеска со мнозинството гласови на владеачките партии не ги усвоија предлог заклучоците на опозиционите партии во врска со оружениот инцидент во селото Ваксинце. Во заклучоците се бараше министерката за внатрешни работи Гордана Јанкулоска да поднесе оставка, како и да се оцени дека безбедносната ситуација во земјата не е стабилна. Претставници на владеачката партија ВМРО ДПМНЕ посочија дека не може да се бара одговорност на министерката бидејќи се‘ уште не е завршена истражната постапка за инцидентот.