Кој со кого преговара во Либија?
11 јули 2011Францускиот министер за одбрана Жерар Лонге јавно им советуваше на либиските бунтовници да преговараат со власта на Моамер ел Гадафи за изнаоѓање решение, а не да чекаат тој прво да се повлече од власта. Бунтовниците ја одбиваат таа опција и бараат повлекување на Гадафи како основен предуслов за преговори. Американскиот Стејт департмент, во меѓувреме, реагираше на изјавите на Лонге и порача дека либискиот народ е тој кој треба да реши како ќе изгледа преносот на власта. Официјален Вашингтон и понатаму смета дека Гадафи не треба да остане на власт. Синот на Гадафи Саиф ал Ислам за еден алжирски весник изјави дека либиската влада преговара со француската. Тој нагласува дека францускиот претседател Никола Саркози ветил оти ќе ги поттикне бутновниците на прекин на борбите, доколку се најде компромисно решение.
Автор: ГЧ/дв
Редактор: Борис Георгиевски