1. Прескокни до содржината
  2. Прескокни до главната навигација
  3. Кон други страници на DW

Косово се откажа од апсењето на Вулин

ЖА/бета31 октомври 2013

Косовското обвинителство ја поништи наредбата за апсење на српскиот министер без ресор, Александар Вулин, задолжен за Косово и Метохија.

https://p.dw.com/p/1A9lN
Фотографија: DW

Косовското Јавно обвинителство ја прекина истрагата против српскиот министер без ресор, Александар Вулин, поради „незаконски влез на територијата на Косово“ и ја повлече наредбата за негово апсење.

Обвинителството добило извештај од полицијата, според кој, на 17 октомври Вулин влегол во Косово со возот, кој сообраќа на релација Краљево-Звечан-Косовска Митровица.

Косовското Обвинителство на 24 октомври почна истрага против Вулин за незаконски премин на границата, а потоа Основниот суд во Косовска Митровица издаде наредба за негово апсење. Вулин е министер без ресор во српската Влада задолжен за Косово и Метохија.

Министерот Вулин утре треба да ја посети Грачаница на Косово заедно со потпретседателот на владата, Александар Вучиќ. Повлекувањето на налогот за апсење на Вулин инаку го потврди и косовската полиција, како што пренесува порталот Koha.net .