1. Прескокни до содржината
  2. Прескокни до главната навигација
  3. Кон други страници на DW

Берлин нуди лекување на македонски пациенти во Германија

БГ/ ДПА
18 јуни 2020

Министрите за одбрана на НАТО денеска договорија оперативен план за евентуален втор бран на Ковид-19. Министерката за одбрана Шекеринска вели дека Германија нуди лекување на пациенти.

https://p.dw.com/p/3e0vN
Rumänien Coronavirus Das alliierte Flugzeug bringt 45 Tonnen Vorräte nach Bukarest
Помош од НАТО за справување со коронавирусот во РоманијаФотографија: NATO/A. Sultanoiu

Германија преку својата министерка за одбрана Анегрет Крамп Каренбауер понудила лекување на пациенти од Северна Македонија во своите клиники, соопшти денеска министерката за одбрана Радмила Шекеринска. Во екот на кризата со коронавирусот во Франција и Италија, Германија веќе ги отвори вратите за пациенти од двете земји, а сега истото им го нуди и на сите земји-членки на НАТО. Ваквата понуда Шекеринска ја добила пред повеќе од еден месец од нејзината германска колешка.

Radmila Sekerinska, Vertedigungsministerin, Nord-Mazedonien
Министерката за одбрана Радмила ШекеринскаФотографија: DW/P. Stojanovski

Оперативниот план кој денеска го договорија министрите за одбрана на 30 земји-членки на НАТО предвидува создавање на заеднички залихи на медицинска опрема и кризен фонд вреден милиони за инвестиции во критични медицински резерви, соопшти генералниот секретар на Алијансата, Јенс Столтенберг.

Клучната задача на НАТО за време на пандемијата е да се осигура дека „здравствената криза нема да прерасне во безбедносна криза“, рече Столтенберг.

Прескокни го блокот Повеќе на оваа тема