Коронавирусот може да преживее на мазни површини до 28 дена

„На 20 степени Целзиусови, отприлика на собна температура, откривме дека вирусот е екстремно робустен и на мазни површини, како стакло или екраните на мобилните телефони, може да преживее и до 28 дена", објасни заменичката директорка на австралискиот Центар за инфективни болести, Деби Иглс.

Тоа што коронавирусотможе толку долго да опстои на стакло е важно откритие, зашто банкоматите, касите за самопослужување во супермаркетите и автоматите за чекирање на аеродромите имаат површини кои се изложени на чести допири и можеби не се чистат и дезинфицираат редовно. Студијата на австралиските експерти беше објавена во магазинот „Виролошки журнал".

Без светлина

Експериментот бил вршен во темница, истражувањата веќе покажаа дека сончевата светлинаможе брзо да го убие вирусот, се вели во студијата. Поранешните испитувања доведоа до резултат дека вирусотможе да преживее до три дена на површини од пластика и метал. Слични истражувања со инфлуенца А покажаа дека вирусот има способност за преживување на површини до 17 дена.

Други резултати

Меѓутоа, според германскиот Сојузен институт за проценка од ризици, досега не постојат случаи кај кои е докажан пренос на коронавирусот врз луѓе преку контакт со контаминирани предмети или површини и настаната инфекција по тој пат. Минатата недела претседателот на Аптекарската комора Клаус Рајнгарт оцени дури дека чистењето на површините во борбата против коронавирус е непотребно и надминато.