Италија усвои пакет мерки за економски раст
5 октомври 2012Реклама
Кабинетот на премиерот Марио Монти во Рим даде согласност за пакетот „Економски раст 2.0“, кој особено треба да ја поттикне дигитализацијата на земјата. Тој предвидува вложување на 150 милиони евра за изградба на брза интернет мрежа, чиј недостаток е една од причините за слабата економија во Италија, сметаат во експертската влада на Монти.
Парите треба да бидат вложени пред се’ во централниот и во северниот дел на земјата. За помалку развиениот јужен дел на Италија, владата веќе вети вложувања во вредност од 600 милиони евра. Освен тоа, Монти поднесе и предлог-закон, кој предвидува ограничување на платите и примањата на политичарите и претставниците на регионалните совети.