Ирак – заложници

Со оглед дека денеска истекува ултиматумот на киднаперите, во официјален Берлин расте загриженоста за судбината на двајцата киднапирани Германци во Ирак. Портпарол на министерството за надворешни работи во Берлин изјави дека напорите за ослободување на Ханелоре Краузе и нејзиниот син продолжуваат интензивно. Киднаперите од една радикално исламистичка организација се заканија дека ќе ги убијат заложниците доколку Германија не ги повлече своите војници од Авганистан.

За време на кусата посета на Рим, германската канцеларка, Ангела Меркел, изјави дека Германија нема да дозволи да биде уценувана.