Заспана патничка заборавена во авион

Еден несекојдневен случај со заборавена жена во авион предизвикува турбуленции кај авиокомпанијата Ер Канада. Тифани Адамс, според сопствено тврдење, спиела во длабок сон при слетувањето во Торонто и очигледно не била забележана од екипажот, известуваат неколку канадски медиуми, меѓу кои и „Глобал њус“. 

Патничката се разбудила дури подоцна во празниот, мрачен и во меѓувреме ладен авион. Бидејќи батеријата на нејзиниот мобилен телефон била празна, не можела телефонски да повика помош. И уредот за радиоврска во пилотската кабина не функционирал поради исклучената електрична енергија во авионот. Жената прво имала чувство дека е во кошмар, но подоцна се созела и се концентрирала на дишењето за да спречи запаѓање во паника. Конечно, пронашла една рачна светилка и успешно испратила сигнали, кои случајно ги забележал еден аеродромски службеник во поминување и со скала ја извлекол од авионот. За жената потоа се погрижиле соработници на авионската компанија Ер Канада, која не дава коментар, но во меѓувреме истражува како можело да се случи патничката да биде превидена.