Започна дводневната неформална средба на шефовите на дипломатии на ЕУ

„Ние цврсто ќе се држиме на заедничката европска линија и натаму ќе ги подржуваме предлозите на Марти Ахтисари за идниот статус на Косово ” – порача пред почетокот на средбата во Бремен ,домаќинот , германскиот министер за надворешни работи , Франк Валтер Штајнмаер.

Кратко пред почетокот на консултациите во Советот за безбедност на ОН околу иднината на Косово , ЕУ ќе ги подржи настојувањата за независност на Косово под меѓународен надзор . Штајнмаер во Бремен потенцираше:

“Сакаме и се надеваме дека во рамките на предвидениот рок ќе дојде до решение во Советот за безбедност , со кое ќе биде гарантирана безбедноста и стабилноста на Западниот Балкан . Тоа се наоѓа во рамките на непосредните интереси на Европа .

Инаку Европската Унија доколку во Советот за безбедност биде усвоен планот на Марти Ахтисари треба да ја преземе главната одговорност на Косово . Тоа е напишано во извештајот што денеска во Бремен на шефовите на дипломатии на ЕУ им го поднесоа првиот европски дипломат Хавиер Солана и Еврокомесарот за проширување Оли Рен . ЕУ имено по одлуката на Советот треба да ја преземе цивилната мисија на Косово од страна на ОН . Според проценките таа од периодот од 2008-ма до 2010 би требала да чини околу 2 милијарди евра .

27-те министри во Бремен , ќе расправаат за многу поединости околу планираната мисија , вклучително и за трошоците.

Втора важна тема која се наметна овие денови е кризата околу заробените британски војници во Иран

ЕУ и дава подршка на Велика Британија во спорот со Иран околу заробените британски војници . Претседавачот со состанокот во Бремен германскиот министер за надворешни работи , кој пред некколку дена упати писмена изјава за подршка , го осигура британскиот колега во сеопфатна подршка :

Разбирлово е дека и од тука истотака мора да биде видлиив јасен сигнал за подршка на Велика Британија .

Штајнмаер не појасни точно за каков сигнал станува збор . Но изгледа неверојатно дека ЕУ ќе се одлучи за прекин на сите контакти со Техеран – велатевропски дипломати присутни на средбата во Бремен . Се очекува имено шефовите на дипломатии на земјите членки уште еднаш да побараат безусловно ослободување на 15-те мина војници :

“Без сомневање ќе имаме една многу официјална изјава , која ќе биде подржана од сите 27 министри ” – порача специјалниот координатор за надворешна и безбедносна политика на ЕУ , Хавиер Солана , кој во Бремен пристигна од Самитот на Арапската лига во Саудиска Арабија.