1. Прескокни до содржината
  2. Прескокни до главната навигација
  3. Кон други страници на DW

Загина Тоше Проески

16 октомври 2007

Македонската и балканска музичка ѕвезда не ја преживеа сообраќајната несреќа што се случи утрината во близина на Загреб

https://p.dw.com/p/BrVH
Фотографија: Macedonian Information Agency

Според официјалните информации Тоше Проески починал на лице место по кобниот дудар со камионот со италијански регистрации. Македонскиот пејач седел на совозачкото место а со него во возилото што се движело во правец на Загреб – како што изјави портпаролката на бродско-посавската полициска управа Ката Нујиќ биле и 32 годишниот Ѓорѓе Ѓорѓески возач на џипот од марката Туарег и 49 годишната Лилјана Петровиќ истотака македонски државјани.

Истражниот судија потврди дека Петровиќ, менаџерката на Тоше Проески е полесно повредена и во свесна состојба додека Ѓорѓески е потешко повреден.

Иако првобитно се шпекулираше дека во возилото биле и родителите на загинатиот пејач , полицијата го демантираше тоа. За несреќата таа ја известила македонската амбасада во Загреб . Инаку на местото на сударот сеуште се истражуваат причините поради кои џипот во кој се наоѓал Тоше Проески удрил во левиот дел на приколката на камионот , по што ја изгубил контролата и удрил во заштитната ограда . ´

Тоше Проевски е единствен странски пејач кој ја освои награда на Хрватскиот радио фестивал . Неговата песна “Срце не е камен” минатата година беше најпуштана песна во хрватскиот етер. Последниот албум Игри без граници тој го објави во август. Веста за неговото загинување, сите хрватски медиуми ја објавуваат во ударните емисии.