ЕУ -Турција

ЕУ донесе одлука да отвори ново поглавје во преговорите за членство со Турција, кои се замрзнати од Јуни минатата година. Дипломати во Брисел изјавија дека ЕУ амбасадорите се согласиле уште денеска да започнат преговори за една од 35 точки, која се однесува на претприемништвото и индустриската политика. ЕУ замрзна осум поглавја од преговорите за членство со Турција, бидејќи властите во Анкара одбиваат целосно да го спроведат царинскиот договор со Кипар.