1. Прескокни до содржината
  2. Прескокни до главната навигација
  3. Кон други страници на DW

Ердоган ќе ја отвори новата амбасада во Берлин

БГ/дпа30 октомври 2012

Турскиот премиер Реџеп Таип Ердоган ќе го пушти во употреба грандиозниот објект во Берлин за кој официјална Анкара потроши околу 30 милиони евра.

https://p.dw.com/p/16ZHM
Фотографија: DW

Турскиот премиер Таип Реџеп Ердоган денеска во Берлин ќе ја отвори новата зграда на турската амбасада во земјата. Изградбата на грандиозното здание чинеше околу 30 милиони евра, и освен резиденцијален и дел за приеми, поседува и објект со канцеларии за околу 100 луѓе.

Еден од тројцата архитекти на објектот, Германецот Томас Хилиг изјави дека зградата симболизира модернизам и желбата на Турција да стане дел од европското семејство.

„Турција сака да се прикаже како модерна, отворена нација“, рече Хилиг. Фасадата на зградата е проткаена со турски и исламски орнаменти.

Türkei Syrien Konflikt Tayyip Erdogan
Фотографија: REUTERS

Ердоган утре во Берлин ќе се сретне со германската канцеларка Ангела Меркел, а на врвот на агендата ќе бидат разговорите за состојбата во Сирија.

Германија и Турција имаат одлични трговски односи, а околу 2,5 милиони етнички Турци живеат и работат во Германија.