1. Прескокни до содржината
  2. Прескокни до главната навигација
  3. Кон други страници на DW

Еден фудбалски клуб - сите роднини

Л.Бекер/Б.Георгиевски18 декември 2013

Секој фудбалски клуб во светот би можел да и позавиди на Херта од Реклингхаузен. Овој „амбициозен“ клуб кој игра во аматерската лига во Германија го има Омајрат, кој буквално е насекаде на теренот.

https://p.dw.com/p/1Abxy
Фотографија: picture-alliance/dpa

Еден фудбалски тим, едно презиме: Омајрат. Тие се браќа, внуци и синови од едно големо семејство со либанско потекло и играат во Херта Реклингхаузен во Рурската област. Тука сите им се радуваат на засилувањата.

„По правило, ние од раководството се грижиме за доведување играчи во екипата. Како што можете да видите, тоа кај нас е многу поедноставено“, вели Михаел Гаснер од управата на на Херта Реклингхаузен.

Омајрат е во офсајд. Корнер: Омајрат. Слободен удар: Омајрат. Шут, за малку над голот. Омајрат е сигурен и во средниот ред. Семејството го сочинува комплетниот прв тим, резервите, тренерот и неговиот помошник.

За судијата најважно од сѐ: да ги провери броевите на Омајрат тимот.

„Прво помислив дека е грешка. Искрен да бидам, си помислив: ’О боже, што е ова?' Но, потоа откако ги проверив пасошите, видов дека е в ред“, објаснува судијата Дитер Барт.

Bundesliga Symbolbild Ball im Netz
Фотографија: imago sportfotodienst

Омајрат на теренот, се разбира и навивачите се Омајрат. Еден Омајрат се повреди. На негово место на теренот влегува друг Омајрат.

На крајот, резултатот е 0:0. Нерешено против лидерот на табелата. Махмуд, еден од редот Омајрат фудбалери на Херта Реклингхаузен вели дека е полесно кога се игра во ист тим со роднини и додава: „Позабавно е кога толку добро се познаваме меѓусебе. Мижејќи се разбираме“.

Омајрат ќе мора да отсуствува повеќе месеци - скршеница на ногата. На негово место во тимот ќе влезе Омајрат. „Моето семејство е доволно големо. Секогаш има замени. Не е проблем да најдеме нови играчи.“

Големото фудбалско семејство прва година игра заедно. Неизвесно е дали ќе избори пласман во повисок ранг, но вниманието од медиумите му е гарантирано.