ДПА нема да го бојкотира Парламентот
3 март 2013Претседателот на партијата Мендух Тачи пред почетокот на седницата најави дека пратениците на ДПА ќе се вратат во македонскиот парламент. Во однос на вчерашните случувања, Тачи ја обвини владејачката ДУИ дека игра валкани игри со македонските политички партии.
Тој апелираше до Албанците да не ја загубат довербата во политичкиот процес.
„Сите Албанци треба да бидат внатре во политичкиот процес и заедно да работиме ова разочарување да се претопи преку гласање на 24 март. Овие настани никому не му одговараат. Тоа не е игра и тие што си играат со тоа не се зрели за тоа колку е комплициран политичкиот живот во Македонија“, рече Тачи.
Од ДПА најавија дека заклучоците од седницата на централното партиско претседателство ќе бидат испратени до медиумите по нејзиното завршување.