Димас: Решението е во рацете на господин Груевски
11 јуни 2012Реклама
Сакаме да ја видиме соседната земја како се движи кон ЕУ и НАТО, изјави потпретседателот на Нова демократија, Ставрос Димас во интервју за весникот „Катимерини“.
Во врска со грчко-македонскиот спор за името на Македонија, Димас рече дека грчката страна е подготвена и го поддржува преговарачкиот процес под покровителство на Обединетите нации.
„Во рацете на господинот Груевски е брзо да најде решение. Наместо да бара или да прави изговори за да ја обвинува Грција, подобро е да се фокусира на преговорите за да се постигне решение кое ќе биде од полза за двете страни“, изјави Димас.