Десет најомилени знаменитости во светот
Порталот за туризам Trip Advisor ги обелодени добитниците на наградите Travellers' Choice Awards за најомилени знаменитости во светот. Порталот месечно го посетуваат повеќе од 340 милиони корисници.
10. Миланска катедрала, Италија
Миланската катедрала по површина е трета најголема црква во светот. Во нејзината внатрешност посетителите ги очекуваат повеќе од 2000 скулптури.
9. Линколн Меморијал, САД
Кој е во посета на Националната алеја во Вашингтон, мора во секој случај да мине оттука: Линколн Меморијал, под кого се протега огромен базен кој рефлектира светлина.
8. Алхамбра, Шпанија
Извонреден примерок на маварскиот градежен стил е тврдината Алхамбра во Гранада. Таа е дел од листата на Унеско на Светско културно наследство и е една од најпосетените знаменитости во Европа.
7. Црква Вознесение Христово, Русија
Со впечатливи бои и голем број орнаменти: црквата Вознесение Христово во Санкт Петербург е изградена по урнек на познатата московска катедрала Свети Василиј.
6. Катедрала на Надбискупијата во Кордоба, Шпанија
Маварската и христијанската уметност се обединуваат во оваа градба, еден од најголемите Сакрални објекти на Земјата. Катедралата била изградена пред осмиот век и тоа како Голема џамија во Кордоба. Откако во 1236 година Кордоба била освоена од христијанските сили, таа станува црква.
5. Таџ Махал, Индија
Изграден од страна на Големиот могул Шах Џахан како мавзолеј за неговата голема љубов, Таџ Махал во Агра важи за еден од најубавите примери на могулскиот стил.
4. Базилика Свети Петар, Ватикан
Базиликата на Свети Петар секојдневно ја посетуваат по околу 20.000 аџии. Темелите на базиликата се ставени во 1506 година, а таа се градела околу 120 години. За верниците ширум светот базиликата важи за светилиште на Римско-католичката црква.
3. Ангкор Ват, Камбоџа
Огромниот комплекс на храмови е впечатливо сведоштво на културата на Кмерите. Комплексот потекнува најверојатно од 12. век.
2. Џамија на шеикот Зајед, Обединети Арапски Емирати
Монументалната Џамија на шеикот Зајед во Абу Даби има место за 40.000 верници. Накитена со илјадници Сваровски-кристали таа остава впечаток со својот блескав раскош.
1. Мачу Пикчу, Перу
И, на крајот фаворитот во рангирањето на Trip Advisor. Градот е изграден од Инките во 15. век, на височина од 2500 метри, на Андите.