1. Прескокни до содржината
  2. Прескокни до главната навигација
  3. Кон други страници на DW

Денеска ќе се утврди редоследот на изборните листи

ЕМФ/миа24 февруари 2013

Државната изборна комисија (ДИК) во Македонија денеска (24.02) ќе го одржи жребувањето за утврдување на единствената листа на кандидати за градоначалници и членови на советите на општините и на Градот Скопје.

https://p.dw.com/p/17kqH
Архивска фотографија (јуни 2011 година)Фотографија: MIA

Општинските изборни комисии утврдените единствени листи ќе ги огласат најдоцна 25 дена пред денот определен за одржување на изборите, односно на 26 февруари до сите населени места и на избирачките места во општината, односно во Градот Скопје. Утврдените листи на кандидати во општините во кои најмалку 20 проценти од граѓаните зборуваат службен јазик различен од македонскиот се објавуваат покрај на македонски и неговото кирилско писмо и службениот јазик и писмо што го употребуваат граѓаните во таа општина.

До 8 март треба да заврши задолжителната едукација на членовите на општинските изборни комисии, а од 1 до 21 март општинските изборни комисии ќе организираат, вршат и спроведуваат едукација на членовите на избирачките одбори според Планот и Програмата на ДИК. Изборната кампања започнува 20 дена пред денот на изборите, односно на 4 март на полноќ и завршува на 22 март. Во првиот и вториот круг на гласање кампањата не смее да трае 24 часа пред денот на изборите и на денот на изборите.