Делегација на ОН на Косово

Делегација на Обединетите нации попладнево ќе допатува во Белград во рамките на мисијата на Косово за да се информира за ситуацијата во покраината, пред решението на Советот за безбедност за идниот статус на Косово. Делегацијата што ја предводи белгискиот амбасадор во светската организација, Јохан Вербеке, во текот на денешниот ден престојува во Брисел на разговори со генералниот секретар на НАТО, Јап де Хоп Шефер и со евро-комесарот за проширување Оли Рен. Утре мисијата во Белград ќе има средби со претседателот на Србија Борис Тадиќ и со премиерот на оваа земја Воислав Кошутница. На Косово се предвидени средби со претставници на власта и на меѓународната заедница. Со испраќањето на оваа делегација, Советот за безбедност го исполнува барањето на Русија.