ДВ презентира дигитален приемник за кратки бранови

Во последните години ИФА се бореше со малиот број излагачи, но годинава се чини трендот е нагорен, барем така вели шефот на саемот Кристијан Геке:

“Излагачите повторно платија повеќе пари и инвестираат за својот настап“.

За да дојдат повеќе посетители, саемот е поделен во шест подрачја: на пример “телевизија и домашно кино“ или “филм и фото“:

“Ова концепција е едноставна и затоа прифатлива за сите. За посетителите, излагачите и медиумите. Затоа ќе ја задржиме“.

Меѓутоа, повторниот интерес за ИФА не е само во неговата прегледност. Многу повеќе затоа што на електрониката за забава повторно и оди добро. Во последната година прометот во Германија порасна за 3 насто, односно на 19 милијарди евра. Ханс Јоахим Камп, шеф на Филипс во Германија вели дека причина за тоа се големиот број нови производи:

“Ако ни супее да ги унапредиме иновациите, тогаш во оваа година е можен поголем пораст од 2004“.

Но, има и критички тонови. Според Рајнер Хекер од друштвото за забавна и комуникациска електроника, Германија го преспа трендот на новата телевизиска техника ХДТВ која нуди појасна слика и затоа е производ на иднината. За него ИФА дури сега го прави првиот чекор кон новата телевизија, следуваат нови:

“Во наредната година е светското фудбалско првенство во Германија и сите натпревари ќе бидат пренесувани со таа техника, па можат и така да бидат примани. Според тоа, големиот пробив ќе биде подготвен во оваа за да биде реализиран во идната година“.

Со еден збор на ИФА годинава во фокусот е телевизијата. Пред се ќе бидат прикажани новите екрани, а потоа и мобилна телевизија: за во автомобил или во воз, седено. Секако и радиото игра една од централните улоги при што Дојче веле е меѓу првите. На сопствен штанд ќе информира за својата програма, а посетителите ќе можат да се запознаат со новиот приемник за кратки бранови. Тоа е нова техника што овозможува прием на овие бранови без познатите шумови. Во оваа техника Дојче веле е еден од предводниците.