Г8 министри - Потсдам
31 мај 2007Министрите за надворешни работи на Групата Г8 не постигнаа согласност околу отворените меѓународни прашања. Меѓу другите останува и спорот меѓу западните земји и Русија околу идниот статус на Косово. Рускиот шеф на дипломатијата Сергеј Лавров нагласи дека решение може да се најде само по пат на директни преговори меѓу Албанците и Србите на Косово. Останатите членки на Г8 напротив се залагаа за решение на Советот за безбедност на ОН.
За денеска во Њујорк е закажана нова консултативна седница на Советот, на која САД ќе им поделат на амбасадорите на земјите членки нов предлог резолуција за Косово. Дипломат на Светската организација посочи дека не станува збор за гласање, туку само за запознавање на амбасадорите во Советот со предложените измени.