Груевски се уште не ја добил оставката на Елмази

Македонскиот премиер Никола Груевски ќе донесе одлука за оставката на заменик министерот за внатрешни работи Рефет Елмази откако ќе ја добие. Владиниот портпарол Ивица Боцевски изјави дека премиерот се уште ја нема оставката и не ги знае причините за неа. Во образложението на неотповикливата оставка на Елмази, како што пренесуваат медиумите, стои дека последниот случај на интервенција на полицијата во селото Танушевци фрлил сенка врз извонредните успеси на ДПА. Субјективно, тој се чуствува невин, но објективно Елмази чуствувал одговорност за обидите да “се оспори придонесот на ДПА во стабилизирање на состојбите во земјата”.