1. Прескокни до содржината
  2. Прескокни до главната навигација
  3. Кон други страници на DW

Генералниот штрајк во Венецуела со жртви

ЕМФ /агенции
21 јули 2017

Опозицијата во Венецуела ја заострува својата борба против власта на Мадуро. На протестите во текот на генералниот штрајк во земјата загинаа две лица.

https://p.dw.com/p/2gwBJ
Venezuela Krise
Фотографија: Getty Images/AFP/R. Schemidt

Празни улици, блокади, без автобуси и метро: со генералниот штрајк во Венецуела опозицијата во земјата jа заострува својата борба против претседателот Николас Мадуро. Нејзина цел е спречување на планираната уставна реформа. Во судири кои се случија на маргините на протестите во Каракас, загинаа две лица, а тројца се повредени. За време на протестите во населбата Лос Текес изби насилство. Обвинителството отвори истрага. Во текот на протестите во Венецуела кои се проследени со насилство, од април досега загинаа над 100 луѓе, а уапсени се околу 4.500.

Venezuela - Streik - Krise
Фотографија: Reuters/C. G. Rawlins

Инаку, генералниот штрајк во земјата почна во 6 часот изутрина според локално време и треба да трае 24 часа. На штрајк повика коалиција од околу 20 опозициски партии. Демонстрантите сакаат да го спречат изборот на Уставно собрание, закажан за 30 јули. Опозицијата го обвинува Мадуро дека сака да го пополни Уставното собрание со свои приврзеници за да си обезбеди „диктаторски овластувања“.

На референдумот во неделата (16.07.2013) 7,1 милиони избирачи се изјаснија против уставната реформа на Мадуро. Венецуела, која има најголеми резерви на нафта во светот, минува низ една од најтешките кризи во својата историја. Генералниот секретар на Организацијата на Американски Држави (ОАС), Луис Алмагро, предупреди на опасноста од граѓанска војна. „Стравуваме дека ужасот може да се претвори во крвопролевање“ , рече тој.