Во Австралија запленета рекордна количина дрога
31 јули 2012Дрогата била скриена во 3.200 саксии кои со брод, од засега непозната држава, пристигнале на пристаништето во Сиднеј. Станува збор за рекордна заплена на метамфетамин во историјата на Австралија, а трета количина заплена на хероин што е резултат на едногодишна долга полициска истрага, покрената на дојава на американската служба, задолжена за борба против трговијата со дрога.
Полицијата вчера уапси седум лица откако откри 306 килограми метамфетамин, познат како „ајс“, (ice) и 252 килограми хероин.
Меѓу уапсените се тројца австралиски државјани, а останатите четворица се од Хонгконг. Уапсените кои се стари, од 29 до 61 година, се обвинети за увоз на нелегални дроги и стекнување на финансиска корист од нејзината продажба. Овие обвиненија повлекуваат максимална казна, доживотен затвор.