Буш го предупредува Малики околу конструктивноста на Иран
10 август 2007Реклама
Американскиот претседател Џорџ Буш го предупредил ирачкиот премиер Нури Ал Малики да не биде премногу помирувачки настроен кон Иран, бидејќи таа земја е закана за стабилноста на Ирак. Малики кој е во посета на Техеран побара поддршка од Иран во справувањето со внатрешната криза.
„Ако Малики смета дека улогата на Иран е конструктивна, тогаш ќе морам искрено да поразговарам со мојот пријател,“ изјави Буш. Вашингтон го обвинува Иран дека ги поддржува и вооружува екстремистите во соседен Ирак. Техеран ги отфрла обвинувањата.