Блер, нов претставник на мировниот квартет

Британскиот премиер во заминување Тони Блер ќе биде нов претставник на блискоисточниот мировен квартет. Дипломати во Брисел велат дека Блер уште на денешните разговори во Ерусалим ќе биде официјално назначен на функцијата. Претставниците на САД, ЕУ, ОН, и Русија веќе ги завршиле разговорите околу ова прашање, потврдено е и во Вашингтон. Една од задачите на Блер ќе биде да помогне во изградбата на палестинска држава.