Ахтисари со мисијата на ОН

Специјалниот пратеник на Обединетите нации Марти Ахтисари синоќа во Виена се сретна со делегацијата на Советот за безбедност која во минатата недела ги посети Брисел, Белград и Косово. Соопштено е дека Ахтисари одговарал на прашања од членовите на мисијата и дал дополнителни објаснувања врзани за неговиот прелог за решавање на статусот на Косово. Мисијата која го посети Косово на предлог на Русија, вчера ја заврши посетата на Белград и Приштина и соопшти дека ќе го разгледа предлогот на Ахтисари, без поставување крајни рокови.