Аунг Сан Су Чи по повеќе од две децении во Европа

Лидерката на опозицијата во Мјанмар, поранешна Бирма, Аунг Сан Су Чи пристигна во Женева, што е прво нејзино патување во Европа по 24 години. Носителката на Нобеловата награда за мир, која долги години беше во притивор во нејзината земја, ќе го посети европското седиште на ОН.

Планирано е Аунг Сан Су Чи да одржи говор и пред годишното собрание на Меѓународната канцеларија за труд ИЛО, за синдикатите и принудната работа во нејзината татковина. Во сабота Сан Су Чи патува за Осло, каде официјално ќе ја прими Нобеловата награда за мир, која и’ е доделена пред 21 година.

Во рамките на европската турнеја Су Чи ќе отпатува и во Франција, Ирска и Велика Британија.