1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Атентат и борби во Могадишу

24 август 2010

Сомалиската влада се наоѓа под се’ поголем притисок. При напад врз еден хотел се убиени и повеќемина парламентарци. Во уличните борби со бунтовниците се вмешани и заштитните трупи на Африканската унија.

https://p.dw.com/p/OurR
Жртви и повредени при напад врз хотел во МогадишуФотографија: AP

Двајца исламски бунтовници денеска убија најмалку 30 лица во хотел во Сомалија. Меѓу жртвите се и шестмина сомалиски пратеници, како и четворица државни службеници. Нападот им се припишува на исламските фундаменталисти од терористичката групација Шебаб.

Somalia Kämpfe in Mogadishu AU Panzer
Трупите на АУ инволвирани во уличните борбиФотографија: AP

Хотелот се наоѓа во близина на претседателската палата во Могадишу и во него обично отседнуваат државните функционери и парламентарци. Напаѓачите биле маскирани во полициски униформи и најпрвин ги убиле стражарите на хотелот, по што влегле во него и отвориле оган врз присутните, и на крајот се самоубиле.

Во главниот град на Сомалија веќе втор ден по ред се водат улични борби, во кои претходно загинаа најмалку четириесет лица. Исламистичките бунтовници имено водат офанзива против мировните трупи на Африканската унија, стационирани во државата. Експертите нагласуваат дека ова е уште доказ дека сомалиската влада, поддржана од западните сили и Африканската унија, контролира само мал дел од држава.

Автор: ТТ/ АТ/ афп/ дв

Редактор: Александра Трајковска