1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Апел на мајките на киднапираните Германци

3 февруари 2006

Берлин сеуште нема детали за грабнувањето на двајцата германски инженери во Ирак. Колку навистина се знае за грабнувачите и колку далеку стигнал кризниот штаб во својата истрага, за јавноста и новинарите останува речиси непознато, во интерес како што се вели на заштитата на грабнатите, нивните роднини и посредниците.

https://p.dw.com/p/Ac9H
Мајките на Рене и Томас
Мајките на Рене и ТомасФотографија: MDR

Во заложничката драма, првпат се огласија мајките на грабнатите инженери. Тие во видео порака до киднаперите порачаа:

“Ние двете сме овде за да зборуваме со оние кои ги киднапираа нашите синови. Нашите семејства, особено нивните сопруги, се многу загрижени. Се плашиме за нивниот живот. Ги видовме нашите синови на телевизија. Томас и Рене заминаа во Ирак без политичка заднина. Тие никогаш немаа намера да и наштетат на вашата земја. Апелираме да имате милост и да ги поштедите нашите невини синови. Ве молиме ослободете ги Рене и Томас .“

Во Лајпциг, родниот град на заложниците, сочувството е големо. Пред црквата на Свети Никола се положени многу цвеќиња, а луѓето со молитви ја изразуваат својата солидарност со киднапираните. Грабнувањето го осудија и муслиманите во Лајпциг. Хасан Дабаг, имам во џамијата Ал Раман, до киднаперите апелираше да ги ослбоодат двајцата инженери. Вакви работи во нашата религија се забранети, изјави имамот.