Greenland: Zanga-zanga za ta kwato 'yanci?

Wannan na zuwa ne, bayan kaddamar da sabuwar harabar karamin ofishin jakadancin Amurka a Nuuk. Masu zanga-zangar sun yi ta rera taken adawa da Amurka da kuma daga kwalaye da aka rubuta "Tafi Gida Amurka" da "Ku Sa Amurka Ta Tafi" da kuma "Mu ba na sayarwa ba ne."

Trump ya sha nanata cewa, tilas Amurka ta kwace iko da Tsibirin Greenland saboda dalilai na tsaro. Ya kuma nunar da cewa, idan har bai karbe iko da tsibirin da ke da kwarya-kwaryar 'yanci daga Denmark ba to yana iya fadawa hannun Chaina ko Rasha da ke zaman abokan hamayyar kasarsa.