'Yan tawayen Siriya na cin zarafin Kiristoci
September 11, 2013'Yan tawayen ƙasar Siriya na ci gaba da kasancewa a cikin ƙauyen Ma'alula, wanda suka ƙwace tun ranar Lahdin da ta gabata. Ƙwanyen na Ma'alula wanda ke da tsohon tarihi, an bayyana cewa akwai mazaunansa Kiristoci kimanin dubu biyar. Kiristoci a ƙauyen sun bayyana cewa 'yan tawayen da ke gumshe da masu kaifin kishin Islama, waɗanda ke alaƙa da ƙungiyar Alƙa'ida, sun bayyana cewa ana tilastawa Kiristocin shiga addinin Musulci bisa ƙarfin tuwo. Tun da farko dai an bayyana cewa 'yan tawayen sun fice daga garin, amma rahotanni suka ce kawo yanzu akwai 'yan tawaye a birnin inda su ke lalata kayakin tarihi, kana suna cin zarafin duk wanda bai karɓi musulunci ba. 'Yan uwa da dangin Kiristoci da ke a gefen birnin, suna cike da ɗimuwa kan abinda kan iya samun 'yan uwansu Kiristoci da ke ƙauyen mai daɗaɗɗen tarihi.
Mawallafi: Usman Shehu Usman
Edita: Umaru Aliyu