1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Putin ya soke wata ziyarar da ya shirya kai wa a Faransa

October 11, 2016

Fadar gwamnatin Rasha Kremlin ta sanar da cewar shugaba Vladmir Putin ya soke ziyarar da ya shirya kai wa a Faransa nan gaba a makon gobe 19 ga wannan wata domin ganawa da takwaran aikinsa Francois Hollande.

https://p.dw.com/p/2R7HY
Russland Parlamentswahlen Putin Wahlparty
Hoto: picture-alliance/dpa/Y. Shtukina/Russian Government Press Office

Ziyarar ta Vladmir Putin wacce ba ta aiki ba ce, an dade da tsarata domin halartar wani bikin kaddamar da wata Cocin Orthodox ta Rashar a birnin Paris.Sai dai  masu aiko da rahotannin sun ce shugaban na Faransa yana yin dari-darin ganawa da shugaban na Rasha a Fadar Elysée,sakamakon zargin da ake yi wa  gwamnatin shugaba Bashar al Assad na Siriya da laifin aikata kisan kare dagin a Aleppo,tare da taimakon sojojin Rasha.Rikicin diflomasiya ya kara zafafa  tsakanin kasashen yammacin duniya da Rasha,tun bayan da Rashar ta hau kujera naki a kan kudirin MDD wanda Faransa ta gabatar na tsagaita wuta a yakin da ake yi a Aleppo.