Vladimir Putin ya taya Merkel murna | Labarai | DW | 17.12.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Vladimir Putin ya taya Merkel murna

Shugaba vladimir Putin na Rasha ya aike da sakon taya murna ga shugabar gwamnatin Jamus Angela Merkel.

Angela Merkel wacce ta sha rantsuwar kama aiki a yau bayan da majalisar dokokin Bundestag ta sake zaɓenta a mattsayin sugabar gwamnatin a karo na uku da gaggarumin rinjaye.

Putin ya ce sake zaɓen nata, na tabbatar da hamzari da kuma jan aikin da ta yi a cikin shekaru na baya-baya nan,sannan ya ce duk da cewar Rasha tana da saɓanin tsakaninta da ƙasashen Ƙungiyar Tarrayar Turai a kan Yukren amma ya ce yana fatan Jamus za ta ƙara ƙarfafa hulɗa da Rasha. A cikin 'yan majalisun 631 , 462 suka amince da sake zaɓen shugabar gwamnatin. A farkon wannan mako ne aka cimma yarjejeniyar ta kafa gwamnatin ƙawance tsakanin jam'iyyun siyasa na CDU da CSU da kuma SPD.

Mawallafi : Abdourahamane Hassane
Edita : Umaru Aliyu