Umarnin kame daruruwan sojoji a Turkiyya | Labarai | DW | 29.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Umarnin kame daruruwan sojoji a Turkiyya

Wannan matakin da aka dauka a birnin Santambul, ya shafi sojojin kasar da ke zargi suna da alaka da Fethullah Gülen.

A kasar Turkiyya an sake ba da umarnin kame daruruwan sojojin kasar da ake zargi magoya bayan fitaccen malamin kasar ne Fethullah Gülen. Wannan matakin da aka dauka a birnin Santambul, an mayar da hankali kan sojojin kasar, inji kamfanin dillancin labarun Turkiyya Anadolu. A jimilce ma'aikatar shari'ar Turkiyya ta ba da sammacin kame sojoji 360.

Shi dai babban malamin Fethullah Gülen da ke zaune a kasar Amirka, ana zarginsa da kulla makarkashiyar wani yunkurin juyin mulkin soji da bai yi nasara. Sai dai ya sha musanta wannan zargi.

Tun bayan yunkurin juyin mulki a watan Yulin shekarar 2016, an kame akalla mutane fiye da dubu 50 a kasar ta Turkiyya bisa zargin alaka da Gülen. An sako mutane dubu 150 da suka hada da jami'an soji da ma'aikatan gwamnati da kuma na kamfanoni masu zaman kansu.