1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
SiyasaTurai

EU na zargin Rasha da cutar da Alexei Navalny

Zaharaddeen Umar
April 19, 2021

Kungiyar Tarayyar Turai ta EU ta bukaci hukumomin Rasha su ba jagoran adawar kasar Alexei Navalny damar zaben likitan da zai duba shi.

https://p.dw.com/p/3sEBo
Alexei Nawalny | russischer Oppositionspolitiker
Hoto: Press Office of Moscow's Babushkinsky District Court/ITAR-TASS/imago images

Babban jami'in hulda da kasashen ketare na kungiyar ta EU Josep Borrell ya sanar a wannan Litinin cewa Turai za ta kama Rasha da laifin duk abin da ya faru da dan adawar. Wannan na zuwa ne a yayin da a dazu da safe Rasha ta sanar da cewa ta kai Alexei Navalny asibiti, tana mai cewa shi ne a radin kansa ya amince da a kai sa asibitin. 


Makonni uku ke nan dai da Alexei Navalny ya daina cin abinci a gidan kason da hukumomin Rasha ke tsare da shi, kuma likitansa ya ce lafiyar jagoran adawan na Rasha ta tabarbare, zai iya mutuwa a kowane lokaci idan ba a dauki wani mataki ba.  


Sai dai kungiyar Tarayyar Turai na ci gaba da yi wa Rasha barazana a kan lamarin, amma Rashan ta musanta gallaza wa dan adawar, ta kuma yi ikirarin yin ramuwar gayya idan har Turai ta kuskura ta sanya mata karin wasu takunkumi a kan lamarin.