Tillerson ya ziyarci Iraki

Sakataren harkokin wajen Amirka Rex Tillerson, ya kai wata ziyarar ba-zata birnin Bagadazan kasar Iraki a wannanLitinin domin ganawa ta biyu da Firaminista Haider al-Abadi. Kazalika lokacin ziyarar, bayanai na nunin cewa Mr. Tillerson zai tattauna da shugaban kasar Iraki Fuad Masum wanda dan bangaren Kurdawa ne inda zai tabbatar masa da goyon bayan Amirka ga dunkulalliyar kasar Iraki ta yanzu.

Cikin watan jiya ne dai aka gudanar da zaben raba-gardama a arewacin kasar ta Iaki, zaben da kasar Amirka ke goyon bayansa. Wannan ziyarar, ta zo ne kwanaki biyu da sakataren harkokin wajen na Amirka Rex Tillerson ya yi kiran mayakan tawayen Iraki da su gaggauta barin kasar, abin ma da ya haifar da martani daga majalisar mukarraban firaminista al-Abadi.