1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAsiya

Thailand: 'Yar shekara 37 ta kasance Firaminista

Musa Tijjani Ahmad
August 18, 2024

Sarkin Thai ya tabbatar da nadin Paetongtarn Shinawatra a matsayin sabuwar Firaiministar Thailand, kwanaki biyu bayan majalisar dokokin kasar ta zabe ta, hakan kuma zai bata damar kafa gwamnati a makonni masu zuwa.

https://p.dw.com/p/4jaoo
Firaministar Thailand Paetongtarn Shinawatra
Firaministar Thailand Paetongtarn ShinawatraHoto: Chalinee Thirasupa/REUTERS

Shinawatra 'yar shakara 37 ta kasance Firaiminista mafi karancin shekaru da ta hau kan karagar mulkin kasar tun bayan da kotun kundin tsarin mulkin kasar ta sallami tsohon Firimiyan kasar Srettha Thavisin.

Karin bayani: Kotu ta dakatar da firaministan Thailand

Paetongtarn da ke kasancewa 'ya ga tsohon Firaiministan Thailand Thaksin Shinawatra, ta samu kaso biyu bisa uku na yawan kuri'un da 'yan majalisar dokokin suka kada. Kazalika ita ce mace ta biyu da ta kasance Firaiministar kasar kuma ta uku a zuri'ar Shinawatra, da suka mulki kasar.

Karin bayani: Matsalolin kafa gwamnatin Thailand

Mahaifinta Thaksin Shinawatra, ya fuskanci kalubale da dama akan karagar mulki musamman dambarwar siyasar kasar wanda hakan ya sanya shi gudun hijra na tsawon shekara 15, wanda ya dawo gida a 2023.