Dakarun Chadi sun murkushe sabbin 'yan tawaye

Sai dai ta ce a yayin gumurzun da aka yi a ranar Asabar sojojinta guda biyar sun rasa rayukansu. A ranar 11 ga watan Afrilun nan ne dai, ranar da ake zaben shugaban kasa a Chadi, gungun 'yan tawaye dauke da makamai masu hatsari ya shigo kasar daga kasar Libya. Tun daga lokacin ne kuma hankulan jama'ar kasar ke ci gaba da tashi. 

Mai magana da yawun rundunar sojin Chadi Azem Bermandoa Agouna ya shaida wa kamfanin dillancin labaran Faransa, AFP, cewa artabun ya ba su damar kama 'yan tawaye 150. Gwamnatin Chadi dai ta ce a yanzu ta yi nasarar kakkabe 'yan tawaye a yankunan Tibesti da kuma Kanem.