1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Shugaba Trump na ziyara a Koriya ta Kudu

Gazali Abdou Tasawa
November 7, 2017

A ci gaba da ziyarar aikin da ya soma a wasu kasashen yankin Asiya, Donald Trump na Amirka ya isa a wannan Talata a kasar Koriya ta Kudu inda zai gana da shugaba Moon Jae-In.

https://p.dw.com/p/2n9qO
Südkorea Donald Trump und Moon Jae-in
Hoto: Reuters/J. Ernst

Gananawar Trump da Moon Jae-In na da nufin shawo kan sabanin da ke da akwai tsakaninsu musamman kan batun Koriya ta Arewa.

 A watan Satumban da ya gabata ne dai, Shugaba Trump ya zargi takwaransa na Koriya ta Kudu Moon Jae- In wanda ke da ra'ayin sasantawa da Koriya ta Arewa da kasancewa mai gurguwar siyasar neman zaman lafiya maras amfani. 

Sai dai a cikin wani sako da ya wallafa a shafinsa na Twitter daga kasar Japan inda ya kai ziyarar farko kafin zarcewa zuwa Koriya ta Kudun Trump ya sha alwashin samun fahimtar juna da takwaran nasa wanda a wannan karo  ya bayyana shi da kasancewa mutuman daraja. 

Batun nukiliyar koriya ta Arewa zai kasance a sahun gaban muhimman batutuwan da za su tattauna a kai.