Rasha na ƙara himma wajen samun haɗin kan Kirimiya | Labarai | DW | 07.03.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rasha na ƙara himma wajen samun haɗin kan Kirimiya

Tun bayan da majalisar dokokin Kirimiya ta dawo da zaɓen raba gardamarta baya zuwa 16 ga watan Maris, Rasha ke alƙawarin kyautatawa yankin idan ya haɗe da ita

Vladimir Putin Duma

Vladimir Putin a gaban wakilan Duma

Yankin Kirimiya zai kasance sabon mamba a Tarayyar Rasha idan har mafi yawan 'yan asaslin yankin suka goyi bayan ɓallewa daga Ukraine, bayan ƙuri'ar raba gardamar da za a yi a ranar 16 ga watna Maris Idan Allah ya kai mu.

Kakakin majalisar dokokin Rasha Valentina Matvienko wadda ta gana da majalisar dokokin Kirimiyar yau ta ce wannan ya zo daidai da tsarin ƙasa da ƙasa, har ma ta kwatanta shi da ƙuri'ar jin ra'ayin da Scotland za ta yi na samun 'yancin kai daga Birtaniya a watan Satumba

To sai dai a yayin da Amirka ke tsaurara matakan samun takardun shiga ƙasarta wa Rashawa da 'yan asalin yankin na Kirimiya, bisa zarginsu da haddasa rashin daidaito a Ukraine, Shugabanin Ƙungiyar Tarayyar Turai sun dakatar da tattaunawar da suke yi kan sabbin hanyoyin haɗin gwiwa da sassauta dokokin shiga da fita tsakanin ƙasashen su.

Ko da shi ke firaministan Birtaniya David cameron ya ce daidaita lamuran a ƙasar Ukraine yanzu yana da mahimmanci sosai saboda nahiyar ta ɗauki tsawon lokaci ta tabbatar da cewa al'mmomin sun kai matsayin da suke a yanzu:

"Yana da mahimmanci saboda tarihi ya nuna mana cewa kawar da ido a lokutan da aka take haƙƙin al'ummomi, aka kuma ƙwace 'yancin kan da suke da shi, kan janyo ɗimbin matsaloli "

Mawallafiya: Pinaɗo Abdu Waba
Edita: Mouhamadou Awal Balarabe