1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Rasha da Indiya na nazarin hadin gwiwar kera makamai

Abdullahi Tanko Bala
November 8, 2022

Moscow da Delhi na fatan bunkasa dangantakar cinikayya tare da yin hadin gwiwa wajen kera makamai na zamani

https://p.dw.com/p/4JEBp
Russland | Treffen Subrahmanyam Jaishankar und Sergei Lawrow in Moskau
Hoto: Sergei Savostyanov/dpa/TASS/picture alliance

Ministan harkokin wajen Rasha Sergei Lavrov ya ce sun tattauna tare da takwaransa na Indiya a birnin Moscow shirin hadin gwiwa na kera makamai na zamani.

Karo na biyar kenan a cikin wannan shekarar da Lavrov ke tattaunawa da ministan harkokin wajen Indiya Subrahmanyam Jaishankar.

Kasashen biyu na kokarin karfafa dangantakar kasuwanci da kawancen hadin gwiwa ta fannin makamashin nukiliya da kuma tafiya sararin samaniya.

Tsawon shekaru Indiya ta dogara ga Rasha wajen sayen makamai. Haka kuma Rasha ita ce ta hudu wajen sayen magunguna da dangoginsu daga Indiya.