Philipp har yanzu bai samu hutun da yake so ba. Bayan gama fafatawa da kwaron da ya dame shi, sai ya fuskanci hayaniyar makwabta. Yayin da kwatsam aka yi masa waya daga Berlin, sai ya baro kauyen a gaggauce. 

Ga Philipp can ya nufi Berlin. Sai dai saboda rashin kyawun yanayi, tafiyar ba ta sauri. Har abokai Philipp ya yi a hanya. 

Jami'an Radio D suna ta jiran Philipp. Wadanda zai yi aiki da su, Paula da Ayhan, suna zaman jira. Sai dai ba Philipp ba alamarsa, ga shi waya ba ta shiga. 

Paula da Ayhan sun yi wa sabon abokin aikinsu maraba da shiga Radio D. Da ma suna da wani aiki na gaggawa: Ana rade-radin marigayi Sarki Ludwig na Bavaria yana da rai, don haka suna son su bincika. 

A can fadar Neuschwanstein, Paula da Philipp sun hadu da wata bakuwar fuska sanye da alkyabbar Sarki Ludwig. Sai suka yi wani dan bincike game da sanadin mutuwar Sarki Ludwig. 

A can fadar Neuschwanstein, Paula da Philipp sun yi wa sarki mai jiran gado Ludwig tambayoyi. A nan Paula ta yi dace ta gano wata makama ta fahimtar wane ne wannan shu'umar bakuwar fuska. 

Philipp ma ya gano wane ne wannan bakuwar fuskar. Ya ga wani talla a jarida a kan shagalin kade-kaden Sarki Ludwig. A hanyarsa ta zuwa can, ya yi hira da 'yan yawon bude ido da suka zo daga ko' ina cikin duniya. 

Philipp ya sami wanda ya fito a Sarki Ludwig a wasan kwaikwayon, ya nemi su yi hira. Nan take sai ya gano muryarsa. Can kuma, wani bako ya bulla ofishin Radio D. 

Daga ina wannan suna, wato Eulalia, ya fito ne? Su Compu da Ayhan da Josefine sun nazarin ma'anar sunan kuma sun fitar da amsoshi da dama. Akwai wani abokin aikinsu mutumin kasar Spain da ya taimaka musu. 

In akwai abin da ba ku fahimta ba, yana da kyau ku dinga tambaya. Farfesa zai amsa tambayoyin da masu sauraren Radio D suka aiko a kan shirye-shiryen da suka gabata. 

Ba kowa ne yake murna da wannan bikin ba a Radio D. Aikin da aka ba wa Compus shi ne ya kai wadannan 'yan jaridar dajin nan mai suna "Black Forest", inda nan ne bikin ya fi armashi.