1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Petro Poroshenko ya lashe zaben Ukraine

May 25, 2014

Attajirin nan na kasar Ukraine Petro Poroshenko ya lashe zaben shugaban kasar da aka gudanar a wannan Lahadin da kusan kashi 56 cikin 100.

https://p.dw.com/p/1C6fs
Präsidentschaftswahlen in der Ukraine Poroschenko ARCHIV
Shugaban Ukraine mai jiran gado Petro PoroshenkoHoto: MYKOLA LAZARENKO/AFP/Getty Images

Jim kadan bayan bayyana wannan nasara da ya samu, Mr. Poroshenko ya ce gwamnatinsa za yi bakin kokarinta wajen ganin an gudanar da zabukan majalisar dokokin kasar a wannan shekara da muke ciki.

Shugaban na Ukraine mai jiran gado wanda kanwarsa ba ta jikuwa da gwamnatin Rasha ya ce zai yi bakin kokarinsa wajen ganin ya tabbatar da 'yancin cin gashin kan kasarsa.

Mr. Poroshenko da ke dasawa da kasashen yamma ya kuma ce ba zai taba amincewa da hadewar da yankin nan na Kirimiya ya yi da kasar Rasha ba a watannin da suka gabata.

Mawallafi: Ahmed Salisu
Edita: Mohammed Awal Balarabe