Omicron: Japan ta hana matafiya shiga kasarta

Firanministan kasar Fumio Kashida ya baiyana cewa dokar zata fara aiki ne a ranar Talata. Ana dai ganin bullar sabon nau'in cutar ya kawo cikas ga dokokin da kasar ta sassauta a farkon wannan watan da ya bai wa dalibai da 'yan kasuwa damar shiga kasar.  

A ranar Juma'ar da ta gabata ce dai Hukumar Lafiya ta Duniya WHO ta nuna damuwarta kan hatsarin sabon nau'in cutar coronar wadda aka fara ganota a kasar Afirka ta Kudu, inda kuma ta bulla a kasashen Kudancin nahiyar Afirka da Turai da kuma Asiya.