Novak Djokovic ya koma kasarsa

Matakin hukumomin kasar Australia na hana Novak Djonkovic izinin zama saboda rashin rigakafin, ya dakatar zakaran na Tennis daga fafatawa a gasar Australia Open da aka fara a wannan Litinin.

Tuni dai jirgin da ya dauko Djokovic wanda ya zango a Hadaddiyar Daular Larabawa ya sauka Belgrade babban birnin kasar Serbia.

Shi dai Mr. Djokovic dai ya yi kokarin kotun Australia ta ba shi damar zama a kasar saboda gasar ta Australia Open, ganin cewa bisa ka'ida ba lallai ba ne sai ya nuna shaidar rigakafin coronar ba.

Gwani na gwanayen kwallon na Tennis, ya dai kamu da cutar a baya kuma ya warke abin da kimiyya ta ce ba ya bukatar rigakafin.