1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Napolitano ya sake lashe zaɓen shugaban ƙasar Italiya

Usman ShehuApril 20, 2013

A ƙasar Italiya daga ƙarshe dai bayan kai kawo, an samu kai ga zaɓen shugaban ƙasa, inda Giorgio Napolitano ya sake ɗare kujerar

https://p.dw.com/p/18K2Q
©Riccardo Antimiani / EIDON/MAXPPP ; 899354 : (Riccardo Antimiani / EIDON), 2013-03-30 Roma - Declarations of President of the Republic at the end of consultations - Giorgio Napolitano *** ITALY OUT ***
Giorgio Napolitano, a jawabin bayan zabensaHoto: picture-alliance/dpa

A Kasar Italiya an zabi Giorgio Napolitano a matsayin shugaban kasa, wannan ya biyo bayan ya mika takardarsa ta sake takaran shugabancin kasar, bayan gaggan 'yan siyasan kasar sun nemi ya yi haka, domin kawo karshen takun saka kan zaben sabon shugaban da majalisa za ta yi.

Majalisar dokokin kasar ta kwashe kwanaki uku ba tare da iya zaben sabon shugaban ba. Daga cikin wadanda suka shiga takara sun hada da Franco Marini tsohon shugaban kwadago, da Romano Prodi tsohon babban jami'in Hukumar Tarayyar Turai, duk sun janye takaran da su ke yi na neman shugabancin, gabanin fidda sakamako.

Watanni biyu bayan zaben kasa baki daya 'yan siyasa sun kasa cimma matasayan kafa gwamnati a kasar ta Italiya.

Mawallafi: Usman Shehu Usman

Edita: Halima Balaraba Abbas